Khansi
(In hindi)
Khansi ka prkop kisi bhi mosam me ho sakta hai. Shit ritu me sardi lagne par jukam ke sath khansi ka prkop adhik hota hai. Wasa yukt ( ghee, tel wa makhan se bane) khadh padartho ke sewan ke bad turant jal pine se khansi ki utptti adhik hoti hai. Chote bachhe bajar me gandi chije kha kar khansi se adhik pidit hoten hai. Asthama, nimoniya, fuffusawaran shodh, aantrik jwar, or chhay rog me bhi khansi ki wikriti hoti hai.
1) Adrakh ke 5 gram ras me madhu milakar chat kar khane se khansi ka prkop kam hota hai.
2) Aduse ke patton ke 5 gram ras me tulsi ke taje patton ka 5 gram ras milakar,dhire-dhire chat kar khane se khansi ka niwaran hota hai.
3) Tulsi ke taje patti ka 3 gram ras me 3 gram adrakh ka ras or madhu milakar chat kar khane se khansi nasht hoti hai.
4) Kele ka sarbat banakar 10-10 gram sharbat din me tin char bar sewan karne se khansi nasht hoti hai .
5) Chote bachhon ko khansi hone par unaki kamar or chhati par kapur ke tel se malis karne se bahut labh hota hai.
6) Mulethi ke churn me madhu milakar, din me dio tin bar chatne se khansi nasht hoti hai.
7) Madhu me nimbu ka ras milakar chat kar khane se khansi nasht hoti hai.
