Aadha sisi (migraine)
(In hindi)
Adha sisi arthat migraine rog ki utpatti bhojan me adhik ushn mirch masalo or amliy raso se bane khadh padarthon se hoti hai. Aadhunik pariwesh me hotal me bhojan karne wale, phast food ka sewan karne wale aadha sisi (migraine) se adhik pidit hoten hai. Aadha sisi ka dard rogi ko buri trah tadpa deta hai . Subah sury nikalne ke sath dophar tak tej dard hota hai. Sham ko sury ke chhip ne ke sath sir dard nasht ho jata hai .
GHARELU CHIKITSA :-
1) 5 gram long ko khub barik piskar, thoda-sa jal milakar, halka -sa garam karke kan- patiyo par lgay . Isase aadha sisi ka shule (dard) kam hota hai.
2) Migraine rog me rogi tiwr sir dard se bechain hota hai . Yesi sthiti se bachne ke liye sury mukhi ke bijo ko sury mukhi ke phulon ke ras me piskar , sury nikalne se pahle mastak par lep karen.
3) Gajar ke taje patto par ghee lagakar halka garm kare . Halke gram patto ka ras bund-bund karke nak me tapkane se aadha sisi ka shule nasht hota hai.
4) Lahsun ko chhilkar , uski kaliyo ka ras nikale. 50 gram lahsun ke ras me 6 gram hing milakar kisi kanch ki shishi me bhar kar rakhe . Jab bhi aadha sisi ka dard ho, is misran ki do-do bunnde nak me tapkane se turant dard nasht hota hai .
5) Souf or dhaniya 5-5 gram matra me 5 gram mishri milakar, sabko piskar prati din do tin bar sewan karne se aadha sisi rog nasht hota chala jata hai.
6) kali mirch ke 10 dane or mishri 10 gram matra me milakar , kut piskar parti din suryoday ke samay jal ke sath sewan karne se aadha sisi rog bahut jaldi nasht ho jata hai .
7) BAdam ke 10 giri, khaskhas 100 gram or chhuhare ke 5 dane milakar kisi kadahi me ghee ke sath mishri milakar halwa bana kar khane se aadha sisi ka shule nasht ho jata hai. Shule ka niwaran ho jata hai.
