Swar bhang (Gla baithna)
(In hindi)
Sheet ritu me adhik shital wata -wran me rahne wa shital peyo ( sharbat , pepsi , kok) aadi pine se swar bhang ki wikriti adhik hoti hai . Swar bhang me gale se aawaj nahi nikal pati hai . Rogi ko bolne me bahut kathinai hoti hai , awaj phat jati hai . Ghar me viwah ya koi any samaroh ho to adhik bolne se bhi swar wikriti hoti hai .
Shital khad pdarth ke sewan se, barish me der tak bhigne se or nadi-talab me der tak nahane se bhi swar bhang ki wikriti ho sakti hai . Swar bhang ke sath rogi ko khansi wa jukam ka prakop bhi ho sakta hai . Washa yukt chije khane par turant jal pi lene se bhi swar bhang ho sakta hai .
GHARELU CHIKITSA :-
1) Harad ko jal me ubalkar kwath banaye . Phir us kwath ko chhan kar usme mashu milakar pine se swar bhang ki wikriti nasht hoti hai .
2) Halke garam pani me fitkari piskar milakar kulle wa grara karne se swar bhang ka niwaran hota hai.
3) Halke garm pani me sendha namak dal kar grare karne se swar bhang ki wikriti nasht hoti hai .
4) 3 gram mulethi me madhu milakar chatne se swar bhang ki wikriti nasht hoti hai .
5) Adrakh ke chhote-chhote tukde kat kar , yek do long ke sath chabakar ras pine se sawr bhang ki wikriti nasht hoti hai .
6) Adhi ratti hing halke gram pani ke sath sewan karne se swar bhang ki wikriti nasht hoti hai . Gale se awaj nikalne lagti hai .
7) Adrakh ke ras me madhu mila kar , do- tin bar chatkar khane se gale ki wikriti basht hone se swar bhang se mukti milti hai .
